Sot në Maqedoninë e Veriut pritet një ditë me mot kryesisht të nxehtë dhe diell, por me vranësira të lehta deri në mesatare në disa zona. Megjithatë, në disa vende mund të shfaqen kushte për jostabilitet lokal, duke sjellë shira të rrëmbyeshëm, bubullima dhe erëra të forta. Era do të fryjë nga veriu me intensitet të dobët deri në mesatar, ndërsa temperaturat minimale do të luhaten nga 14 deri në 21 gradë Celsius, dhe maksimale nga 31 deri në 37 gradë Celsius. Në kryeqytetin Shkup, moti do të jetë i ngjashëm, me diell dhe vranësira të lehta, erë të dobët deri mesatare dhe temperatura që do të arrijnë deri në 37 gradë Celsius.