Sot në Maqedoninë e Veriut moti do të jetë me vranësira të ndryshueshme dhe periudha me diell, por nuk do të mungojnë edhe reshjet e shiut të rrëmbyeshëm, bubullimat dhe erërat e forta në disa zona. Temperatura do të luhatet nga 6 deri në 26 gradë, ndërsa në Shkup pritet mot i ndryshueshëm me periudha dielli dhe reshje të shkurtra shiu me bubullima. Gjatë ditës do të ketë kushte për zhvillimin e vranësirave të paqëndrueshme me reshje të rrëmbyeshme dhe erëra të forta, ndërsa të shtunën priten stuhi më intensive me reshje mbi 20 litra për metër katror, erëra deri mbi 70 km/orë dhe mundësi për breshër. Të dielën era do të vazhdojë me intensitet mesatar nga veriu, duke sjellë një mot më të freskët dhe të ndryshueshëm.