Shqipëria do të përjetojë të shtunën kushte atmosferike të paqëndrueshme me alternime kthjellimesh dhe vranësirash mesatare deri të dendura. Reshjet e shiut do të jenë të herëpashershme dhe me intensitet të ulët në pothuajse të gjithë vendin, ndërsa në orët e pasdites priten shtrëngata afatshkurtra me shkarkesa elektrike dhe breshër, kryesisht në zonat lindore. Era do të fryjë kryesisht në drejtim veriperëndim-juglindje me shpejtësi mesatare 5 m/s, duke u forcuar në male, lugina dhe bregdet deri në 11 m/s. Valëzimi në detet Adriatik dhe Jon do të jetë i forcës 1-3 ballë, duke krijuar kushte të ndryshueshme përgjatë vijës bregdetare.