Shqipëria do të përjetojë mot relativisht të paqëndrueshëm gjatë ditës së enjte, me alternime kthjellimesh dhe vranësira të dendura kryesisht në qendër dhe jug të vendit. Reshjet e shiut do të jenë të herëpashershme dhe me intensitet të ulët, duke filluar që në orët e para të 24-orëshit dhe duke vazhduar deri në mëngjes në zonat qendrore dhe jugore. Gjatë ditës, në relievet malore në lindje priten shtrëngata afatshkurtra, ndërsa era do të fryjë me drejtim juglindje-jugperëndim me shpejtësi mesatare deri në 14 m/s në vijën bregdetare dhe lugina. Në detet Adriatik dhe Jon valëzimi do të jetë i moderuar, me forcë 2-3 ballë.