Nesër në Kosovë pritet mot me intervale me diell dhe shtim të vranësirave, ndërsa në perëndim dhe veriperëndim do të ketë reshje shiu dhe bore në malet e Rugovës, sidomos në mbrëmje. Gjatë natës pritet destabilizim i fuqishëm i motit me reshje shiu, shqote e bore, si dhe mundësi për vetëtima dhe bubullima në disa zona. Në Shqipëri reshjet do të fillojnë në veri dhe veriperëndim me stuhi shiu dhe vetëtima, duke u përhapur në të gjithë vendin me reshje intensive dhe bore në zonat kodrinore-malore. Në Maqedoninë Veriore dhe Luginë të Preshevës moti do të jetë i ngrohtë gjatë ditës, por në mbrëmje dhe natë pritet përkeqësim me reshje shiu e bore, ndërsa reshjet do të përfshijnë edhe Malin e Zi. E premtja sjell mot më të ftohtë dhe të paqëndrueshëm me reshje lokale shiu, shqote dhe bore në të gjithë rajonin, duke vazhduar edhe gjatë fundjavës me reshje të shpeshta dhe intervale dielli në disa zona.