Nesër në Kosovë pritet mot i paqëndrueshëm, me vranësira, intervale dielli dhe reshje lokale shiu, përfshirë mundësinë e rrebesheve me vetëtima dhe bubullimë në disa rajone. Temperaturat do të luhaten nga 10 deri në 24 gradë Celsius, ndërsa reshjet do të jenë lokale dhe nuk do të përfshijnë të gjithë territorin. Në Shqipëri, Maqedoninë Veriore, Luginë të Preshevës dhe Mal të Zi, moti do të jetë me diell dhe vranësira të shpeshta, me rrebeshe më të përhapura në jug, qendër dhe lindje të Shqipërisë dhe në shumë pjesë të Maqedonisë së Veriut. Gjatë fundjavës pritet mot i paqëndrueshëm me intervale dielli dhe rrebeshe të izoluara, ndërsa nga e hëna moti do të stabilizohet.