Në Shqipëri priten kushte të paqëndrueshme atmosferike me vranësira të dendura dhe reshje shiu me intensitet të ulët gjatë orëve të para të ditës, kryesisht në zonat e jugut dhe qendrës. Në veri reshjet do të jenë të izoluara dhe në formë pikash, veçanërisht në relievet malore të larta. Gjatë periudhave të shkurtra priten shtrëngata, ndërsa pas orëve të pasdites reshjet do të ndërpriten në të gjithë territorin. Era do të fryjë me drejtim juglindje-verilindje me shpejtësi mesatare deri në 7 m/s dhe deri në 14 m/s në bregdet, lugina dhe male, ndërsa deti do të jetë me valëzim të lehtë deri mesatar.