Shqipëria do të përjetojë kushte atmosferike të paqëndrueshme gjatë ditës së enjte, me alternime kthjellimesh dhe vranësira që gradualisht do të shtohen, duke sjellë mot kryesisht të vranët në mbrëmje. Reshjet e shiut do të fillojnë në mëngjes në ekstremin verior të vendit me intensitet të ulët dhe do të përhapen gradualisht në pjesën më të madhe të territorit gjatë pasdites, ku në zonat bregdetare dhe ultësirën perëndimore reshjet do të fitojnë intensitet mesatar, herë pas here në formën e shtrëngatave afatshkurtra. Në zonën e Alpeve dhe relievet e larta malore mbi 900-1000 metra priten reshje dëbore me intensitet të ulët deri mesatar, me periudha stuhi dëbore afatshkurtra. Era do të fryjë me drejtim juglindje-jugperëndim me shpejtësi mesatare 9 m/s, duke arritur herë pas here deri në 18 m/s, ndërsa valëzimi në detet Adriatik dhe Jon do të jetë me forcë 3-6 ballë.