Shqipëria do të përjetojë kushte atmosferike të paqëndrueshme gjatë ditës së enjte, me vranësira mesatare dhe të dendura që do të mbizotërojnë prej orëve të para të mëngjesit deri në mesditë. Reshjet e shiut do të jenë prezente kryesisht në ultësirën perëndimore, me shtrëngata afatshkurtra dhe shkarkesa elektrike, ndërsa në pjesën tjetër të vendit reshjet do të jenë me intensitet të ulët. Pas mesditës pritet një përmirësim gradual i motit, me alternime kthjellimesh dhe vranësirash të pakta, ndërsa pas orëve të pasdites moti do të jetë kryesisht i kthjellët. Era do të fryjë me drejtim juglindje-jugperëndim me shpejtësi mesatare 6 m/s, dhe deti do të ketë valëzim të lehtë deri mesatar në detet Adriatik dhe Jon.