Në Shqipëri pritet një ditë me mot të paqëndrueshëm, ku vranësirat do të jenë mesatare deri të dendura gjatë gjithë ditës. Reshjet e shiut do të fillojnë në orët e mesditës me intensitet të ulët në jug dhe pjesërisht në qendër, duke u përhapur më pas në të gjithë territorin deri në mbrëmje. Në orët e pasdites dhe mbrëmjes, përgjatë vijës bregdetare dhe ultësirës perëndimore do të ketë reshje të shkurtra në formën e shtrëngatave. Era do të fryjë me drejtim verilindje-juglindje, me shpejtësi mesatare 8 m/s dhe deri në 15 m/s në zonat bregdetare dhe luginore, ndërsa deti do të jetë me valëzim 2-4 ballë në detet Adriatik dhe Jon.