Të hënën, Shqipëria do të përjetojë kushte atmosferike relativisht të qëndrueshme dhe temperatura të larta, me mot kryesisht të kthjellët. Vranësira të pakta deri mesatare do të shfaqen gjatë mesditës dhe pasdites, kryesisht në zonat malore jugore, ku herë pas here do të ketë edhe vranësira më të dendura, por kalimtare. Në juglindje parashikohen reshje lokale shiu me intensitet të ulët dhe shtrëngata të izoluara në male, ndërsa era do të fryjë kryesisht nga veriperëndimi-verilindja me shpejtësi mesatare 7 m/s, duke u forcuar në disa zona deri në 14 m/s. Valëzimi në det do të jetë i lehtë deri mesatar, me forcë 1-3 ballë.