Të enjten, vendi ynë do të përjetojë kushte atmosferike relativisht të qëndrueshme me kthjellime dhe vranësira të mesme kalimtare, sidomos në zonat malore lindore gjatë mesditës dhe pasdites. Reshje shiu lokale me intensitet të ulët priten në relieve malore në lindje dhe jug, duke mos prishur stabilitetin e përgjithshëm të motit. Era do të fryjë kryesisht nga veriperëndimi-verilindja me shpejtësi mesatare prej 5 m/s, duke u përshpejtuar deri në 8 m/s në vijën bregdetare dhe zonat luginore. Valëzimi në detet Adriatik dhe Jon do të jetë i lehtë, me forcë 1-2 ballë.