Të mërkurën, Shqipëria do të përjetojë kushte atmosferike relativisht të qëndrueshme me kthjellime dhe alternime vranësirash mesatare kalimtare, veçanërisht përgjatë relieveve malore në lindje gjatë orëve të mesditës dhe pasdites. Reshje shiu me intensitet kryesisht të ulët dhe karakter lokal priten në zonat malore në lindje dhe jug të vendit. Era do të fryjë me drejtim veriperëndim-verilindje me shpejtësi mesatare rreth 5 m/s, duke u forcuar deri në 8 m/s përgjatë vijës bregdetare dhe zonave luginore. Valëzimi në detet Adriatik dhe Jon do të jetë i butë, me forcë 1-2 ballë.