Sot, e shtunë 4 prill 2026, Shqipëria do të përjetojë kushte atmosferike kryesisht të qëndrueshme me alternime kthjellimesh dhe vranësirash, të cilat herë pas here do të jenë deri të dendura. Reshje të dobëta shiu priten nga mesdita deri në orët e pasdites, kryesisht në relievet malore në lindje dhe jug të vendit, ndërsa në mbrëmje reshjet do të ndërpriten në të gjithë territorin. Era do të fryjë me drejtim verilindje – veriperëndim me shpejtësi mesatare rreth 9 m/s, duke fituar shpejtësi deri në 18 m/s përgjatë vijës bregdetare dhe zonave luginore. Deti në Adriatik dhe Jon do të ketë valëzim me forcë 3-4 ballë, duke krijuar kushte relativisht të qeta për lundrim.