Të mërkurën, Shqipëria do të përjetojë kushte atmosferike relativisht të qëndrueshme me mot kryesisht të kthjellët. Vranësirat mesatare dhe lokalisht të dendura priten në zonat malore, kryesisht në orët e mesditës deri pasdites. Në relievet malore juglindore dhe jugore do të ketë reshje shiu të dobëta dhe afatshkurtra, ndërsa në relievet e larta malore priten shtrëngata të izoluara. Era do të fryjë me drejtim juglindje-jugperëndim me shpejtësi mesatare 8 m/s, ndërsa valëzimi në detet Adriatik dhe Jon do të jetë i forcës 1-3 ballë. Temperaturat do të arrijnë deri në 34 gradë Celsius.