Sot në vendin tonë moti do të jetë kryesisht me diell dhe intervale me vranësira, ndërsa gjatë pjesës së dytë të ditës pritet shtim i vranësirave që vende-vende do të sjellin reshje lokale shiu. Temperaturat minimale do të luhaten nga 15 deri në 18 gradë Celsius, ndërsa ato maksimale do të arrijnë deri në 35 gradë. Në disa zona, sidomos në relievet malore, priten edhe shtrëngata afatshkurtra me shkarkesa elektrike, ndërsa në ultësirën perëndimore reshjet do të jenë më të dobëta. Era do të fryjë nga verilindja me shpejtësi mesatare 1-10 m/s, ndërsa valëzimi në detet Adriatik dhe Jon do të jetë i lehtë deri mesatar.