Sot pritet mot me vranësira të shpeshta dhe intervale me diell, ndërsa në disa zona do të ketë reshje shiu gjatë pasdites dhe mbrëmjes. Reshjet më të forta do të jenë në mbrëmje, rreth mesnatës, dhe do të shoqërohen me rrebeshe kalimtare, me mundësi për vetëtima dhe bubullima. Për shkak të pluhurit saharian të pranishëm në ajër, reshjet do të sjellin baltë në zonat me shi. Era do të fryjë kryesisht nga juglindja me shpejtësi 13-37 km/h, ndërsa temperaturat do të lëvizin nga 9 deri në 11°C për minimumin dhe nga 19 deri në 23°C për maksimumin.