Sot në Maqedoninë e Veriut pritet mot pjesërisht me vranësira dhe reshje të herëpashershme lokale, ndërsa drejt fundit të ditës vranësirat do të zvogëlohen. Do të fryjë erë mesatare deri e fortë nga veriu, me shpejtësi mbi 60 km/orë, duke sjellë ndjesi më të freskët në disa zona. Temperaturat minimale do të lëvizin nga 0 deri në 5 gradë, ndërsa maksimale nga 13 deri në 20 gradë, me Shkupin që do të ketë shi të lehtë lokal në mëngjes dhe temperaturë maksimale deri në 19 gradë. Sipas DPHM-së, të hënën në mëngjes moti do të jetë i kthjellët dhe më i ftohtë, me temperatura që në disa vende do të bien nën zero, ndërsa nga e marta pritet përmirësim i motit me diell dhe ngrohje gradualisht.