Sot në Shqipëri priten kushte atmosferike relativisht të paqëndrueshme me kthjellime dhe vranësira mesatare. Reshjet e shiut do të shfaqen kryesisht në orët e mesditës deri pasdites, me intensitet të ulët dhe kryesisht në zonat kodrinore-malore. Pasdite reshjet do të ndërpriten në të gjithë territorin. Era do të fryjë me drejtim veriperëndim – verilindje me shpejtësi mesatare 7 m/s, por në vijën bregdetare dhe zonat luginore pritet të arrijë deri në 17 m/s. Në detet Adriatik dhe Jon do të ketë valëzim me forcë 2-4 ballë. Temperatura maksimale pritet të arrijë deri në 29 gradë Celsius.