Shërbimi Meteorologjik Ushtarak njofton se Shqipëria do të përjetojë kushte atmosferike relativisht të qëndrueshme, me temperatura që do të arrijnë deri në 35 gradë Celsius. Moti do të karakterizohet nga kthjellime dhe alternime vranësirash mesatare kalimtare, kryesisht përgjatë relieveve malore në lindje gjatë orëve të mesditës dhe pasdites. Reshje shiu lokale me intensitet të ulët priten në zonat malore në lindje dhe jug, ndërsa era do të fryjë me drejtim veriperëndim-verilindje me shpejtësi mesatare 5 m/s, duke u përshpejtuar deri në 8 m/s në vijën bregdetare dhe zonat luginore. Valëzimi në detet Adriatik dhe Jon do të jetë i lehtë, me forcë 1-2 ballë.