Instituti Hidrometeorologjik i Kosovës ka njoftuar se nga sot pritet përmirësim i kushteve meteorologjike me mot pranveror. Mbi vendin do të mbajë mot me vranësira të shpërndara dhe diell, ndërsa temperaturat maksimale do të arrijnë deri në 18 gradë Celsius. Temperaturat minimale do të jenë nga 1 deri në 3 gradë Celsius, ndërsa do të fryjë erë nga verilindja me intensitet të lehtë deri mesatar. Ky përmirësim i motit pritet të sjellë kushte më të këndshme për ditët në vijim.