Sot në Kosovë pritet një ditë me mot kryesisht me diell, por gjatë orëve të mesditës dhe pasdites do të zhvillohen vranësira konvektive që mund të sjellin reshje lokale shiu të shoqëruara me bubullima dhe stuhi të izoluara. Temperaturat minimale do të luhaten nga 12 deri në 17 gradë Celsius, ndërsa maksimalet do të arrijnë deri në 34 gradë. Era do të fryjë kryesisht nga veriu dhe verilindja me shpejtësi 1 deri në 7 metra për sekondë, por gjatë stuhive pritet rritje e përkohshme e shpejtësisë së erës dhe ndryshim i drejtimit të saj. Instituti Hidrometeorologjik paralajmëron për kushtet e paqëndrueshme që mund të ndikojnë në disa zona me reshje dhe stuhi të izoluara gjatë ditës.