Gjatë kësaj jave në Kosovë priten ndryshime të dukshme të motit, ku nga dita e martë do të fillojnë reshje shiu dhe bore. Në zonat malore dhe në lartësi të mëdha parashikohen reshje bore, ndërsa në zonat më të ulëta do të ketë kryesisht reshje shiu që herë pas here mund të përzihen me borë. Temperaturat minimale do të bien në vlera të ulëta, deri në lehtë negative, ndërsa maksimalet mund të arrijnë deri në rreth 16 gradë Celsius. Kushtet agrometeorologjike do të jenë përgjithësisht të favorshme për aktivitetet bujqësore, megjithëse reshjet dhe ulja e temperaturave në ditët në vijim mund të kufizojnë punët në terren.