Komuna e Prishtinës ka njoftuar nisjen e fazës së pestë të dezinsektimit hapësinor për këtë vit, e cila do të fillojë më 27 korrik nga ora 20:00. Gjatë kësaj faze, aplikimi i larvicideve do të zhvillohet më 27 dhe 28 korrik duke filluar nga ora 09:00, sipas një plani dinamik që përfshin lagjet e ndryshme të qytetit. Komuna ka bërë thirrje që qytetarët, mediat dhe shoqatat e bletarëve të jenë të informuar dhe të marrin parasysh këtë aktivitet për të shmangur shqetësimet. Gjithashtu, është theksuar se realizimi i dezinsektimit varet nga kushtet atmosferike dhe datat mund të ndryshojnë në rast të motit të keq.