Nju Jorku ka shpallur ndalim të përkohshëm të qarkullimit për shkak të një stuhie të fuqishme bore që pritet të godasë qytetin me tetë milionë banorë. Kryebashkiaku Zokhran Mamndani njoftoi se ndalimi do të hyjë në fuqi nga ora 21:00 e së dielës deri në mesditë të së hënës, duke mbyllur rrugët, autostradat dhe urat përveç udhëtimeve emergjente dhe të domosdoshme. Parashikimet tregojnë reshje bore nga 45 deri në 60 centimetra, me mundësi që në disa zona të arrijnë deri në 70 centimetra, ndërsa erërat e forta pritet të përkeqësojnë situatën. Edhe qytete të tjera në lindje të SHBA-së, si Bostoni, po përgatiten për motin e keq, ndërsa në fund të janarit një stuhi e ngjashme la pas më shumë se 100 viktima në rajon.