Një video e publikuar nga gazetari Blendi Fevziu ka shkaktuar reagime të shumta në rrjetet sociale, duke shfaqur një fenomen optik të pazakontë mbi sipërfaqen e detit në Gjirin e Lalzit. Pamjet, realizuar nga Enxhi Ferhati, tregojnë një deformim të horizontit që ka ngjallur kureshtje dhe komente të shumta nga përdoruesit. Shpjegimet më të përhapura lidhen me fenomenin e mirazhit detar, të njohur si Fata Morgana, i cili ndodh për shkak të përthyerjes së dritës në shtresa ajri me temperatura të ndryshme. Ky efekt optik bën që objekte si anijet të duken sikur fluturojnë mbi ujë, duke krijuar pamje të jashtëzakonshme dhe të çuditshme që kapen edhe nga kamera.