Drejtoria për Punë Hidrometeorologjike ka paralajmëruar për mot të paqëndrueshëm gjatë natës dhe ditës së sotme, me reshje të dendura shiu, bubullima, erë të fortë dhe shkarkime elektrike. Në pjesët perëndimore të vendit priten reshje mbi 20 litra për metër katror gjatë natës, ndërsa ditën reshjet mund të kalojnë 30 litra në disa zona. Rajoni i Pollogut dhe pjesët lindore dhe verilindore do të përjetojnë erë të përforcuar deri në 60 km/orë, ndërsa në Shkup dhe luginë priten stuhi afatshkurtra me breshër dhe erë të fortë. Sipas parashikimit, nga dita e martë moti do të përmirësohet dhe do të jetë më i ngrohtë dhe i qëndrueshëm.