Për të mërkurën në Kosovë parashikohet mot kryesisht i vranët, me reshje lokale shiu gjatë orëve të para të ditës, ndërsa në zonat malore reshjet do të jenë në formë bore. Temperaturat minimale do të luhaten mes 1 dhe 5 gradë Celsius, ndërsa ato maksimale pritet të arrijnë deri në 13 gradë Celsius. Era do të fryjë kryesisht nga veriperëndimi me shpejtësi 1 deri në 5 metër për sekondë, ndërsa në disa zona era nga verilindja mund të jetë më e fuqishme me shpejtësi deri në 48 km/h. Instituti Hidrometeorologjik i Kosovës paralajmëron se për shkak të reshjeve dhe uljes së temperaturave, aktivitetet agrometeorologjike në fushë mund të jenë të kufizuara në ditët në vijim.