Në Kumanovë janë paraqitur 160 kërkesa për dëmshpërblim nga dëmet e shkaktuara nga moti i lig, kryesisht për dëmtime të çative, fasadave, automjeteve dhe përmbytje nga ujërat atmosferikë. Komisioni për Vlerësimin e Dëmeve po shqyrton kërkesat dhe do të përgatisë një elaborat për Qeverinë, ndërsa në terren vijojnë punimet për sanimin e dëmeve në infrastrukturë, rrugë dhe sinjalistikë, ku janë rrëzuar disa semaforë dhe është dëmtuar kutia kryesore e kontrollit të tyre. Institucione komunale, si Shtëpia për të Moshuar, kanë pësuar dëme të ndryshme që janë sanuar me donacione, ndërsa punonjësit e ndërmarrjeve komunale dhe N.P. “Pyjet Nacionale” vazhdojnë largimin e drunjve të thyer dhe riparimin e rrjetit elektrik. Kryetari i komunës, Maksim Dimitrievski, thekson rëndësinë e sigurimit të mjeteve për vendosjen e sinjalistikës së re dhe përmirësimin e infrastrukturës së dëmtuar nga stuhia.