Komuna e Kaçanikut ka njoftuar se gjatë natës do të kryhen punime për pastrimin dhe larjen me ujë të rrugëve kryesore të qytetit, përfshirë Bulevardin “Ismail Raka”, Rrugën “Qamil Ilazi” dhe Rrugën “Sali Bajra”. Për të mundësuar realizimin efikas të këtyre punimeve, qytetarët dhe banorët janë lutur të largojnë automjetet e parkuara përgjatë këtyre rrugëve. Komuna ka falënderuar qytetarët për mirëkuptimin dhe bashkëpunimin gjatë këtij procesi. Kjo nismë synon të përmirësojë pastërtinë dhe cilësinë e rrugëve në Kaçanik.