Rahoveci po përballet me vërshime pas reshjeve të dendura të shiut që kanë përfshirë kryesisht zonën urbane të qytetit. Ekipet e Drejtorisë së Shërbimeve Publike, në bashkëpunim me kompanitë e kontraktuara, kanë dalë menjëherë në terren për të pastruar rrugët, larguar materialet e sjella nga reshjet dhe për të rikthyer qarkullimin normal. Në përpjekjet për menaxhimin e situatës janë angazhuar edhe Policia e Kosovës dhe Inspektorati Komunal, të cilët monitorojnë situatën dhe ndërmarrin veprimet e nevojshme. Komuna ka falënderuar ekipet për përkushtimin dhe qytetarët për bashkëpunimin, duke u bërë thirrje banorëve që të kontaktojnë numrat emergjentë në rast nevoje.