KRU “Gjakova” ka njoftuar se për shkak të temperaturave të larta, rritjes së konsumit dhe keqpërdorimeve të ujit të pijshëm, furnizimi me ujë në disa zona është vështirësuar. Për të siguruar shpërndarje më të barabartë, do të aplikohen reduktime të përkohshme gjatë natës, nga ora 22:00 deri në 06:00, në zonat Lipovec, Gërqinë, Demjan 1, Cërmjan dhe Rahovec. Kompania ka bërë thirrje për përdorim të kujdesshëm të ujit dhe ka paralajmëruar masa ndaj keqpërdoruesve. Ekipet e KRU “Gjakova” do të jenë në terren për të monitoruar situatën dhe falënderojnë qytetarët për mirëkuptimin dhe bashkëpunimin.