Gjatë javës së ardhshme priten ndryshime të dukshme në kushtet e motit, me reshje bore në viset malore dhe reshje shiu në zonat e ulëta, të cilat herë-herë mund të përzihen me borë. Temperaturat minimale do të zbresin në vlera të lehta negative, ndërsa maksimalet pritet të arrijnë deri në rreth 16°C. Instituti Hidrometeorologjik rekomandon bujqve që të shfrytëzojnë ditën e hënë për punët në parcela dhe shpërndarjen e plehut artificial, pasi kushtet do të jenë të favorshme për aktivitetet bujqësore. Megjithatë, në ditët në vijim reshjet dhe ulja e temperaturave mund të kufizojnë aktivitetet në fushë.