Të premten pritet depërtimi i një sistemi frontal që do të sjellë reshje shiu, lokalisht në formë rrebeshe, dhe vranësira me intervale kthjellimesh gjatë ditës. Në zonat malore do të ketë reshje bore, ndërsa reshjet e shiut do të vazhdojnë në disa zona. Era do të fryjë kryesisht nga juglindja me shpejtësi 15-55 km/h, por gjatë mbrëmjes do të ndryshojë drejtimin në veri për shkak të ardhjes së masave të ftohta. Temperaturat do të luhaten nga 4°C deri në 11°C, me minimale prej 4-6°C dhe maksimale prej 8-11°C.