Instituti Hidrometeorologjik i Kosovës ka njoftuar për ndryshime të motit gjatë javës së ardhshme, ku nga dita e martë priten reshje shiu në viset e ulëta dhe reshje bore në zonat malore dhe në lartësi më të mëdha. Temperaturat minimale do të zbresin në vlera të lehta negative, ndërsa ato maksimale do të arrijnë deri në rreth 16 gradë Celsius. Moti i hënës do të jetë i vranët me intervale dielli dhe temperatura minimale prej -2 deri 1 gradë, ndërsa të martën priten reshje shiu dhe bore me temperatura minimale 0 deri 3 gradë Celsius. Kushtet agrometeorologjike do të jenë përgjithësisht të favorshme për aktivitetet bujqësore, megjithëse reshjet dhe ulja e temperaturave në ditët në vijim mund të kufizojnë punët në fushë.