Sot në Shqipëri pritet mot i paqëndrueshëm me vranësira mesatare deri të dendura dhe reshje shiu që do të fillojnë në orët e para të ditës në veri dhe jug të vendit, duke u përhapur gradualisht në të gjithë territorin. Reshjet do të jenë kryesisht me intensitet të ulët, por në mëngjes në ekstremin verior, lindje dhe jug priten shtrëngata me intensitet të lartë, të shoqëruara me shkarkesa elektrike. Në zonën e Alpeve, mbi 800-900 metra do të ketë reshje dëbore me intensitet të ulët deri mesatar. Era do të fryjë me drejtim juglindje-jugperëndim me shpejtësi mesatare 7 m/s, ndërsa në vijën bregdetare dhe zonat luginore era do të arrijë deri në 16 m/s, me valëzim në det 2-4 ballë.