Pas periudhës së temperaturave të larta që kanë mbizotëruar në Kosovë, pasditen e sotme vendi u përfshi nga reshje intensive shiu, të shoqëruara në disa zona edhe me breshër. Në qytete si Gjilan, Fushë Kosovë, Ferizaj dhe Prishtinë, reshjet u shoqëruan gjithashtu me erëra të fuqishme, duke krijuar një situatë të vështirë në terren. Pamjet e shpërndara në rrjetet sociale tregojnë intensitetin e reshjeve dhe stuhive, ndërsa banorët u përballën me ndryshime të papritura të motit. Këto fenomene atmosferike pasojnë një periudhë të gjatë me temperatura të larta, duke sjellë një kthesë të fortë në kushtet klimatike të vendit.