Zona e Gjirokastrës është përfshirë sot nga reshje të dendura dëbore, të cilat kanë rikthyer motin dimëror në këtë periudhë pranvere. Për shkak të situatës, në disa rrugë kombëtare janë ndërhyrë me mjete borëpastruese për të larguar dëborën dhe për të hedhur kripë, duke përfshirë rrugët Erind–Çajup dhe Qafën e Skërficës në segmentin Kardhiq-Delvinë. Mjetet e rënda po punojnë intensivisht për të garantuar qarkullimin e sigurt dhe normal për të gjithë përdoruesit e rrugës. Kjo ndërhyrje synon të shmangë pengesat dhe aksidentet në rrugë gjatë këtyre kushteve të papritura atmosferike.