Profesori universitar Kurtesh Sherifi ka theksuar se rriqrat janë parazitë që thithin gjak dhe aktivizohen kryesisht gjatë verës, me rritjen e temperaturave. Ai shpjegon se këto krijesa gjenden në natyrë, kryesisht në zona fushore dhe malore, ku krijojnë habitatet e tyre, por nuk janë të pranishme në ambientet ku jetojmë. Rriqrat kërkojnë gjak për të qëndruar dhe për t’u shumëzuar, dhe aktivizimi i tyre ndodh në fund të pranverës dhe fillim të verës. Sherifi paralajmëron se me ngrohjen e klimës, rritet edhe aktiviteti i tyre, duke përfaqësuar një rrezik të shtuar për shëndetin gjatë periudhës së ngrohtë.