Temperaturat e larta që po rikthehen në vend paraqesin një rrezik serioz për punëtorët, veçanërisht ata në sektorin e ndërtimtarisë, të cilët janë më të ekspozuar ndaj rrezeve të diellit. Bashkimi i Sindikatave të Pavarura ka kërkuar rikthimin e vendimit të Ministrisë së Shëndetësisë që kufizonte orarin e punës dhe lironte nga puna kategori të caktuara, për të mbrojtur shëndetin e punëtorëve gjatë periudhave me temperatura ekstreme.