Shqipëria fillon javën me mot të qëndrueshëm dhe kryesisht të kthjellët në të gjithë territorin. Gjatë ditës së sotme, pritet që dielli të mbizotërojë, duke sjellë orë të gjata me diell në të gjitha zonat. Era do të fryjë nga verilindja në veriperëndim me shpejtësi mesatare rreth 5 m/s, ndërsa përgjatë vijës bregdetare dhe zonave luginore intensiteti i erës do të rritet deri në 12 m/s. Në det, valëzimi do të jetë i lehtë, me forcë 2–3 ballë, duke krijuar kushte të favorshme për aktivitetet detare.