Vala e të nxehtit që ka përfshirë Evropën po prek edhe Shqipërinë me temperatura që pritet të arrijnë deri në 37 gradë gjatë javës. Sinoptikanët parashikojnë se fundjava dhe java e ardhshme do të sjellin temperatura edhe më të larta, deri në 39-40 gradë, veçanërisht në qarqet Shkodër, Berat, Elbasan dhe Gjirokastër. Megjithatë, nuk do të mungojnë reshjet e shiut dhe rrebeshet, sidomos në zonat malore dhe në veri-verilindje, ku priten edhe stuhi breshëri. Efekti El Ninjo po ndikon në këtë mot ekstrem, duke parashikuar një verë me temperatura rekord që mund të tejkalojnë ato të vitit 2023.