Shqipëria po përjeton një nga ditët më të nxehta të kësaj vere, me temperatura që në disa zona si Elbasani arrijnë deri në 42 gradë Celsius. Mëngjesi ka nisur me temperatura më të larta se një ditë më parë, duke shënuar një rritje prej rreth 2 gradësh, ndërsa në zonat malore temperaturat variojnë nga 20 deri në 22 gradë. Gjatë mesditës pritet shtim i vranësirave në veri dhe verilindje, por ato nuk do të ndikojnë ndjeshëm në uljen e temperaturave maksimale. Qytete të ndryshme si Shkodra, Kopliku, Lezha, Durrësi, Velipoja, Berati dhe Fieri do të regjistrojnë temperatura shumë të larta, me Tiranën që pritet të arrijë deri në 40 gradë Celsius.