Një studim i organizatës “Climate Central” tregon se ndryshimet klimatike po rrisin ndjeshëm mundësinë e temperaturave mbi 28 gradë Celsius gjatë Kupës së Botës FIFA 2026, duke ndikuar drejtpërdrejt në performancën e lojtarëve në 49 nga 104 ndeshjet e turneut. Ndeshja mes Uruguait dhe Spanjës në Guadalajara pritet të jetë më e ndikuara, me 70% gjasa për temperatura të larta, ndërsa edhe finalja në New Jersey ka një probabilitet prej 47% për kushte që mund të dëmtojnë lojën. Eksperti ortopedik Abdullah Yener Ince thekson se nxehtësia e lartë shkakton humbje të lëngjeve, rritje të ritmit të zemrës dhe vështirësi në rikuperim, duke ulur numrin e sprintimeve dhe përqendrimin e lojtarëve. Ai nënvizon gjithashtu se ekipet po ndryshojnë mënyrën e përgatitjes duke përfshirë adaptimin ndaj nxehtësisë, pasi kushtet klimatike tashmë janë një faktor kyç që mund të përcaktojë rezultatin dhe stilin e lojës në këtë turne.