Kryetari i Qytetit të Shkupit, Orce Gjorgjievski, ka mbajtur një takim koordinues me kryetarët e komunave dhe Shtabin e Krizave për të diskutuar dëmet nga moti i rëndë që goditi kryeqytetin. Komunat do të formojnë komisione ku qytetarët do të raportojnë dëmet, ndërsa pas vlerësimit profesional do të nisë procedura për mbështetje financiare në sanimin e objekteve të dëmtuara. Gjithashtu, inspektorët komunalë do të kryejnë kontrolle të rrepta në të gjitha objektet me dëmtime në çati, për të konstatuar shkaqet dhe për të siguruar mirëmbajtjen e tyre. Qyteti ka vënë në dispozicion të gjitha kapacitetet dhe fondin e solidaritetit për kompensim, ndërsa pastrimi i terrenit nga dëmet do të vazhdojë deri në sigurimin e plotë të sigurisë së qytetarëve.