Një stuhi e fuqishme me reshje intensive shiu dhe breshëri ka përfshirë pasditen e 21 korrikut komunat e Gjilanit dhe Vitisë, duke shkaktuar vështirësi të mëdha në qarkullim dhe dëme materiale në disa zona. Rrugët janë bërë të vështira për lëvizje, ndërsa qytetarët kanë raportuar dëme të shkaktuara nga breshëri. Autoritetet lokale kanë bërë thirrje për kujdes maksimal gjatë qarkullimit, duke rekomanduar shmangien e lëvizjeve të panevojshme dhe respektimin e udhëzimeve të institucioneve deri në përmirësimin e motit. Video incizime nga Meteo Kosova tregojnë përmasat e stuhisë në Gjilan dhe Vitinë.