Një stuhi e shkurtër me shi dhe erëra të forta përfshiu qytetin e Elbasanit mesditën e së premtes, duke shkaktuar dëme në disa zona. Gjatë stuhisë u rrëzuan dy pemë dhe u dëmtuan disa degë, ndërsa një shtyllë tensioni të mesëm pësoi dëmtime. Ekipet e emergjencës ndërhynë menjëherë për të larguar pemët e rrëzuara dhe për të riparuar shtyllën e dëmtuar, duke minimizuar pasojat. Ende nuk është konfirmuar nëse stuhia ka prekur edhe zonat bujqësore përreth qytetit.