Stuhi të forta me breshër dhe reshje intensive goditën disa shtete federale të Austrisë, duke shkaktuar ndërhyrje të shumta të zjarrfikësve dhe ndërprerjen e disa aktiviteteve publike, përfshirë një festival në Graz. Autoritetet austriake lëshuan paralajmërimin më të lartë, atë të kuq, për provincat Tirol, Salzburg, Austria e Poshtme, Shtajerska dhe Karintinë. Pas Austrisë, sistemi i motit të keq u zhvendos në Slloveni, ku Agjencia Sllovene e Mjedisit ngriti alarmin portokalli për verilindjen e vendit për shkak të erërave të forta, reshjeve të rrëmbyeshme dhe breshrit.