Sot Shkupi u përball me një stuhi të fuqishme që shkaktoi shqetësim në qytet. Kryetari Orce Gjorgjievski njoftoi se Shtabi i Krizave dhe ekipet e ndërmarrjeve publike janë mobilizuar plotësisht dhe janë në terren për të ndërhyrë në rast dëmesh, përmbytjesh apo situatash emergjente. Shërbimet janë në koordinim të vazhdueshëm me institucionet kompetente, përfshirë Ministrinë e Brendshme, Qendrën për Menaxhimin e Krizave dhe Brigadën e Zjarrfikësve, me qëllim parandalimin e pasojave të mëdha. Gjorgjievski bëri thirrje për kujdes dhe bashkëpunim nga qytetarët, duke theksuar se kapacitetet janë në gatishmëri gjatë gjithë natës për të siguruar reagim të shpejtë dhe efektiv.