Pasditen e sotme Shkupi u godit nga një stuhi me fuqi uragani që shkaktoi dëme të mëdha materiale, duke shkulur kulme shtëpish, semaforë dhe duke rrëzuar pemë mbi vetura. Një zjarr shpërtheu pranë Qendrës tregtare Mavrovasja për shkak të shkëndijës nga telat e shkëputur, por u shua falë reshjeve të shiut. Në lagjen Çair, një peme e rrëzuar bllokoi një veturë policie, ndërsa qytetarët shprehën pakënaqësi për mungesën e përgjigjes në numrin emergjent 112. Stuhia nuk preku vetëm Shkupin, por edhe Kumanovën dhe Tetovën, ku dëmet ishin të shumta dhe rrugët u bllokuan përkohësisht, ndërsa zjarrfikësit punuan për pastrimin e zonave të prekura.